Real Madridi nesër luan ndeshjen e radhës të shtatën në Ligën e Kampionëve, ku përball do ta ketë Monacon.

Për Kylian Mbappen kjo do të jetë ndeshje e veçantë pasi do të luaj ndaj ish-skuadrës së tij, shkruan Arbresh.info.

Ai së bashku me trajnerin e ri Alvaro Arbeloa, kanë dal në konferencë për media.

Sulmuesi francez u ndal të flas rreth vërshëllimave që pati në ‘Santiago Bernabeu’ ndeshjen e fundit për disa nga lojtarët madrilen.

“I kuptoj tifozët. E kam bërë edhe unë kur isha i vogël dhe i mërzitur me lojtarët. Nuk ishte e drejtë që pati fërshëllima ndaj disa lojtarëve dhe për Vinicius më shumë. Duhet të ishin për të gjithë lojtarët”, tha Mbappe.

Më tej ai u ndal të flas rreth raportit të tij me ish-trajnerin, Xabi Alonso.

“Nuk patëm probleme me të dhe nuk mund të thuhet se s’pati sukses, pasi u largua para fundit të sezonit. Për mua është trajner fantastik dhe unë kisha raporte të mira”, u shpreh francezi.

Mbappe u pyet edhe për raportet mes disa lojtarëve dhe Alonsos, ku francezi nuk hezitoi të përgjiget.

“Nuk mund të bëj budallain. Sigurisht që kanë ndodhur disa gjëra. Është një klub i madh, por ka edhe gjëra të pavërteta që janë thënë”, u përgjigj Kylian Mbappe.

Mbappe është golashënuesi më i mirë i Realit këtë sezon, gjithashtu ai prin me realizime në La Liga dhe Ligë të Kampionëve.

Sulmuesi i Realit ka nëntë gola pas gjashtë ndeshjeve në Ligën e Kampionëve./Arbresh.info